Breaking News
Home / आइसिटी इभेन्ट/गतिविधि / एप्रिकट २०१८ सम्मेलन काठमाडौमा गुगल, फेसबुक प्रतिनिधिको सहभागीता

एप्रिकट २०१८ सम्मेलन काठमाडौमा गुगल, फेसबुक प्रतिनिधिको सहभागीता

विश्वभरबाट १ हजारभन्दा बढी प्रतिनिधि सहभागी एशिया प्यासिफिक इन्टरनेट समिट (एप्रिकट २०१८) काठमाडौंमा आयोजना भएको छ ।

सम्मेलनमा ६५ देशका इन्टरनेटको पृष्ठभूमीमा बसेर काम गर्ने प्रतिनिधिको सहभागीता रहेको एनपिआइएक्सका अध्यक्ष गौरवराज उपाध्यायले जानकारी दिए ।
एप्रिकोटको पहिलो चरणमा सूचना प्रविधि क्षेत्रका विज्ञहरुले इन्टरनेट अफ थिङ्स, सुरक्षा, नेटवर्क ब्यवस्थापन र राउटिङ विषयमा प्रशिक्षण दिएका थिए ।

सम्मेलनमा ग्लोबल इन्टरनेट टेक्नोलोजीका विविध विषयमा छलफल हुनेछ ।

सम्मेलनको प्रमुख बक्ता भिप्टेलाका सहसंस्थापक अमिर खान हुनेछन् । भिप्टेला अल्टरनेटिभ नेटवर्किङ कम्पनी हो । यसलाई गत बर्ष ग्लोबल जाइन्ट कम्पनी सिस्कोले ८ सय मिलियन डलर (करिव ८० अब रुपैर्याँ ) मा किनेको थियो ।
त्यस्तै समापनमा प्याकेट फेब्रिकका सहसंस्थापक विल चार्नोकले आफ्नो मन्तब्य राख्नेछन् । विलले सफ्ट लेयरका लागि नेटर्व बनएका थिए । यसलाई आइबिएमले सन् २००८ मा खरिद गरेको थियो । यस्तै म्यागासेसे विजेता महाबिर पुनले भविष्यका स्मार्ट सिटीहरु कस्तो हुनेछन् भन्ने बारे आफ्नो धारणा राख्नेछन् ।
सम्मेलन १० दिनसम्म चल्नेछन् । त्यसमध्ये ५ दिनसम्म सम्मेलनपूर्वका कार्यशाला भइसकेका छन् । वर्कसप सकिएपछि सेक्योर राउटिङ, सफ्टवेयर डिफाइन्ड नेटवर्किङ (एसडिएन) र नेटवर्क फङ्सन भच्युअलाइजेसन (एनएफभी) मा केन्द्रीत रहेर सम्मेलन निरंतर हुनेछ
सहभागी एशिया प्यासिफिक इन्टरनेट एसोसिएसन (एपिआइए)ले २२ बर्षअघि एप्रिकट सुरु भएको हो । सन् २००२ मा नेपालबाट इन्टरनेट एक्स्चेन्ज नेपाल (एनपिआइएक्स) का गौरव उपाध्याय सहभागी हुँदै आएका थिए । एनपिआइएक्स नेपालमा स्थापना गर्दा एपिआइएले समेत सहयोग गरेको थियो ।
उनलाई त्यतिखेरै लागेको थियो, कुनै दिन यस्तो सम्मेलन नेपालमै गर्नु पर्छ । उनले केही बर्षदेखि यसका लागि लविङ गर्दै आएका थिए ।  पहिले एप्रिकट गर्न विडिङ गर्नुपथ्र्यो । नेपालमा १ हजार जनाभन्दा बढी सहभागी हुने कार्यक्रम पाँचतारे होटलमा गर्न स्रोत जुटाउन सम्भव थिएन ।
पालमा भएको सम्मेलन नेपाली आइटी क्षेत्रका सहभागीलाई ठूलो अबसरका रुपमा आएको छ । त्यसैले २ सय डलर दर्ता शुल्क तिर्नु पर्ने सम्मेलनमा नेपालबाट २ सय ५० भन्दा बढीले सहभागिता जनाएका छन् । ‘विदेश जानु पर्ने भए लाखौं रुपैयाँ खर्च गर्नु पर्छ’, उपाध्यायले भने, नेपालमै यत्रो ठूलो कार्यक्रम हुनु सबैका लागि अबसर हो ।’
सम्मेलनमा १ सय ५० जना बंगलादेशी, ८० जना अमेरिकी, त्यतिकै संख्यामा भारतीयलगायत ६५ देशका प्रतिनिधि सहभागी छन् ।
फेसबुक, गुगलजस्ता जाइन्ट कम्पनीका प्रतिनिधिसमेत सहभागी भएकाले यो महासम्मेलन नेपालीहरुलाई नेटवर्क विस्तारका लागि सहायक सिद्ध हुने उपाध्यायको दावी छ ।
सम्मेलनमा आएका विदेशी प्रधिनिधिको खर्चले नेपालको पर्यटन प्रबर्धनमा समेत  ठूलो सहयोग पुगेको छ ।

About ICT Khabar/आइसिटी खबर

Check Also

नेपाली इन्जिनियरले बनाए ‘मेड इन नेपाल’ पहिलो भूउपग्रह

नेपाली बिद्यार्थीले अन्तरिक्षमा प्रक्षेपण गर्ने मिल्ने ‘पिको (पकेट क्युब) भूउपग्रह निर्माण गरेका छन्।भक्तपुरकाे कमलबिनायकस्थित ओराइन ...

This is the code for your widget. Just copy and paste it into your website. New widgets may take up to 30 minutes before they start displaying properly.
Loading...