Home / आइसिटी न्युज/टेक अपडेट / संसारकै भाइरसयुक्त ल्यापटप लाखौँ डलरमा बिक्री

संसारकै भाइरसयुक्त ल्यापटप लाखौँ डलरमा बिक्री

स्वीर : भास्कर डट कम

एजेन्सी- संसारकै खतरनाक ६ किसिमका भाइरस भएको एक ल्यापटप अनलाइनमार्फत बिक्री भएको छ । खतरनाक भाइरसयुक्त उक्त ल्यापटप एक दशमलब २ मिलियन (दश लाख २० हजार डलर) मा बिक्री भएको हो । उक्त ल्यापटपमा रहेका भाइरसले विश्वभर एक सय बिलियन डलरभन्दा बढी क्षति पुर्‍याएको बताइन्छ ।

सामसुङ एनसी १०-१४ जीबी १०.२ इन्च ल्यापटप (२००८) लाई द पर्सिस्टेन्स अफ क्यायस आर्ट वर्क नामक दिइएको छ । यसका लिलामी साइबर सेक्युरिटी फर्म डिप इन्स्टिक्टले गरेको हाशे । उक्त फर्मले उक्त ल्यापटपमा भएका भाइरस कुनै पनि किसिमले खतरनाक साबित नहोस् भन्नका लागि पर्याप्त कदम उठाउन आवश्यक रहेको जनाएको छ । उक्त ल्यापटप इन्टरनेट सञ्जालमा सिधा जोडिएको छैन । यसलाई इन्टरनेटमा नजोडिनुको कारण कुनै दोस्रो नेटवर्कमा भाइरस सरेर नजाओस् भन्नेमा ध्यान राखिएको हो । यसका साथै उक्त ल्यापटप खरिद गर्ने व्यक्तिलाई ल्यापटप दिनुअघि त्यसको इन्टरनेट क्षमतालाई निस्क्रिय पारिएको छ ।

आई लभ यु, माईडुम, भानाक्राई, डार्क टेकुला तथा ब्लाक एनर्जी नामक भाइरस उक्त ल्यापटपमा रहेको जनाइएको छ । जानकारहरुका अनुसार भाइरसले भरिएको उक्त ल्यापटप बिक्री गर्न सम्भव थिएन । तर पनि त्यसलाई आर्ट वर्क रुपमा बेचिएको हो । शैक्षिक अध्ययन तथा अनुसन्धानका लागि मात्रै लिलामी गरिएको बताइएको छ । कुनै प्रयोगको उद्देश्यले भने मालवेयरलाई बिक्री गरिनु गैर-कानूनी हुने लिलामीमै सर्त राखिएको थियो ।

उक्त ल्यापटपमा भएका ६ भाइरसमध्ये अझै पनि केहीले ठूलो क्षति पुर्‍याउन सक्नेछ । यसअघि नै ति भाइरसले ठूलो क्षति पुर्‍याइसकेका छन् । वानाक्राई रेनसमवेयर नामक भाइरसले युकेको नेसनल हेल्थ सर्भिसमा एक सय बिलियन डलरको क्षति पुर्‍याएको थियो । विश्वका करिब दुई लाख कम्प्युटर यसबाट प्रभावित भएका थिए । सन् २०१५ मा युक्रेनमा ब्लाक एनर्जी नामक भाइरसले ब्लाक आउट गरेको थियो ।

About ICT Khabar/आइसिटी खबर

Check Also

आईफोनको फेसआईडी असुरक्षित, दुई मिनेटमै ह्याक हुन सक्छ !

एक अनुसन्धानले आईफोनको सबैभन्दा लोकप्रिय फिचर फेस आईडीलाई झुक्याउन सकिने देखाएको छ। एक रिसर्चका अनुसार ...