Breaking News
Home / आइसिटी इभेन्ट/गतिविधि / साइबर सेक्युरिटी समिट २०१८ सम्पन्न, साइबर सुरक्षाका लागि सामुहिक प्रयासमा जोड

साइबर सेक्युरिटी समिट २०१८ सम्पन्न, साइबर सुरक्षाका लागि सामुहिक प्रयासमा जोड

साइबर सुरक्षाका लागि विश्वव्यापी ऐक्यवद्धता जनाउँदै नेपालमा पहिलो पटक आयोजित २ दिने ‘सिस्को ग्लोबल साइबर सेक्युरिटी समिट–२०१८’ सम्पन्न भएको छ । नेपाल (एनपीसर्ट)को मुख्य आयोजनामा आयोजित समिटमा साइबर अपराध, साइबर नीति र कानून तथा सुरक्षाका विभिन्न अभ्यासहरुबारे विश्लेषण र निदानका विषयमा गम्भीर छलफल भएको छ ।

समिटले साइबर सुरक्षाका लागि राष्ट्रिय र अन्तर्राष्ट्रिय रुपमा सरोकारवालाहरुबीच सहकार्य हुनुपर्नेमा समिटले निश्कर्ष निकालेको छ । कार्यक्रमको उद्घाटनसत्रमा प्रमुख अतिथि नेपाल विज्ञान तथा प्रविधि प्रज्ञा प्रतिष्ठानका उपकुलपति प्रा.डा. जीवराज पोखरेलले साइबर सुरक्षा चुनौतीलाई न्यूनिकरण गर्न सामूहिक प्रयास आवश्यक रहेको भनाइ राखे ।

समिटका मुख्य वक्ता आइक्यान एसिया प्यासिफिकका रिजनल सेक्युरिटी, स्टाबिलिटी एन्ड रिजेलेन्सी म्यानेजर चाम्पिका वाइजायातुङ्गाले डोमेन नेम सेक्युरिटीका लागि विश्वभर अझै चेतना अभिवृद्धि हुन नसकेको बताए । उनले नेपालको राष्ट्रिय डोमेन (डट एनपी) पनि डोमेन नेम सेक्यरिटीमा पर्न नसकेको जानकारी दिए । उनले नेपालको राष्ट्रिय डोमेनलाई सरिक्षत गर्न साइबर सेक्युरिटीका विज्ञहरुको सामूहिक प्रयास आवश्यक भएको बताए ।

समिटमा साइबर सुरक्षासम्बन्धी विभिन्न विषयवस्तुमा नेपाल, भारत, श्रीलंका, बंगलादेश, अमेरिका र बेलायतका वक्ताहरुको उपस्थिति रहेको थियो । सोअवसरमा क्लाउड कम्प्यटिङ एन्ड सेक्यरिटी, म्यानेजिंग रिस्क इन डिजिटल इनभाइरोमेन्ट, थ्रेट एन्टेलिजेन्स सेयरिङ, यनिफाइड थ्रेट म्यानेजमेन्ट , साइबर सरक्षाका लागि सचेतनालगायतका विषयमा वक्ताहरुले पेश गरेका कार्यपत्रमा छलफल तथा अन्तक्र्रिया गरिएको थियो ।

साथै साइबर सेक्यरिटी रिजिलेन्स विषयमा २ चरणमा विज्ञहरुबीच प्यानल छलफलसमेत भएको थियो । समिटमा सरकारी, व्यवसायिक, बैंक तथा वित्तीय संस्था, दूरसञ्चार तथा इन्टरनेट सेवाप्रदायक, शैक्षिक संस्थालगायका क्षेत्रबाट करिब २ सय जनाको सहभागिता रहेको थियो । 

समिटकै अवसर पारेर पहिलो दिन शुक्रबार नेपाल विज्ञान तथा प्रविधि प्रज्ञा प्रतिष्ठान (नास्ट) र राष्ट्रिय कृषि तथा अनुसन्धान केन्द्र (नार्क)मा प्रि–समिट वर्कसप आयोजना गरिएको थियो । वर्कसपमा ‘साइबर सेक्युरिटी टेक्नोलोजी’ र ‘साइबर सेक्युरिटी क्याप्चर द फ्ल्याग (सिटिएफ)’ विषयमा सहभागीहरुलाई विभिन्न विधाका विज्ञहरुले क्षमता अभिवृद्धि तालिम प्रदान गरेका थिए ।

About ICT Khabar/आइसिटी खबर

Check Also

६०औं प्रहरी संचार दिवस २०७५ सम्पन्न, प्रहरी कार्यमा सूचना प्रविधि प्रयोगमा जोड

प्रहरी महानिरीक्षक सर्वेन्द्र खनालको प्रमुख आतिथ्यमा प्रहरी प्रधान कार्यालयमा  एक समारोहबीच ६०औं प्रहरी संचार दिवस ...