Home / आइसिटी टुरजिम / Robot Made in Nepal मेड इन नेपाल रोबोटको चर्चा विश्वभर

Robot Made in Nepal मेड इन नेपाल रोबोटको चर्चा विश्वभर

नेपालमै निर्मित रोबोटले रेष्टुरेन्टमा वेटरको रूपमा सेवा दिएको र विश्वकै एक नमूना रेष्टुरेन्ट काठमाडौंमा सञ्चालनमा आएकोबारे विश्वव्यापि चर्चा सुरू भएसँगै पर्यटन क्षेत्रमा त्यसको सकारात्मक प्रभाव पर्ने आशा गरिएको छ ।

पुल्चोक इन्जिनियरिङ कलेजबाट इन्जिनियरिङ गरेका पाँच युवा र व्यवस्थापन अध्ययनरत थप दुर्इ युवाको पहलमा स्थापना गरिएको पाइला टेक्नोलोजी कम्पनीले दरबार मार्गमा ‘नौलो रेष्टुरेन्ट’ नाम राखेर सेवा आरम्भ गरेको छ । शिक्षा मन्त्री गिरीराजमणि पोखरेलले केही साता अघि रेष्टुरेन्ट उद्घाटन गरेका हुन् ।

तीनवटा रोबोट वेटरको रूपमा दिनभर खिटिन्छन् । ग्राहक टेवलमा पुगेपछि अर्डरका लागि वेटरलाई डाँक्नु पर्दैन । टेवुलमै डिजिटल मेनु छ, त्यसमा चाहेअनुसारको परिकार, त्यसको तस्बिर र मूल्य त्यहीँ उल्लेख छ । स्मार्ट फोन चलाएजस्तै औंलाले थिचेर अडर गरेपछि त्यो अडर किचनको ठूलो डिस्प्ले कम्प्युटरमा रेकर्ड हुन्छ र त्यहाँबाट रोबोटकहाँ अटोमेटिक अडर नोटिफिकेसन जान्छ ।

किचनमा तयार परिकार लिन रोबोटहरू पुग्छन् र सम्बन्धित टेबुमा खानाका परिकार लिएर रोबोट नै आइपुग्छन् । रोबोट टुबुलमा पुगेपछि सुरूमा टेबुलमा केही चिजहरू छ भने ती हटाउन र टेवल क्लियर गर्न आग्रह गर्दै बोल्छन् । त्यसपछि परिकारका ट्रेहरू रोबोटले टेवलमा राख्छन् र ‘प्लिज इन्ज्वय योर फुड’ भन्दै रोबोट पुनः किचनमा फर्कन्छन् ।

अडर छैन र रोबोटहरू फुर्सदमा छन् भने उनीहरू स्वतः आफ्नो चार्जिङ स्टेशनमा गएर बस्छन्, त्यहाँ चार्ज हुन्छन् ।

भिडियोः

फूल चार्ज अवस्थाको रोबोट ८ घण्टासम्म खटिने क्षमताको हुने पाइला टेक्नोलोजी एवं नौलो रेष्टुरेन्टका संस्थापक एवं सिइओ विनय राउत बताउँछन् । उनका अनुसार थप दुई फेरी नाम गरेका रोबोट पनि छन्, उनीहरू ग्राहकको टेवलमा पानी, चम्चा, काँटाहरू लिएर पुग्छन् ।

रेष्टुरेन्टमा आएका ग्राहकसँग रोबोट कुराकानी पनि गर्छ । नाम, उमेर, सन्चो–बिसन्चो, काठमाडौंको मौषम र सोधिएका अन्य प्रश्नको जवाफ मात्रै हैन रोबोटले ग्राहकलाई जोकहरू पनि सुनाएर मनोरञ्जन दिन्छन् ।

About ICT Khabar/आइसिटी खबर

Check Also

नयाँ फोन बेच्न सामसङ र एप्पलले ग्राहकको स्मार्टफोन स्लो बनाइदिन्छन्

एप्पल र सामसङजस्ता ठूला स्मार्टफोन कम्पनीहरु आफैंले ग्राहकको स्मार्टफोन स्लो बनाइदिने र ग्राहकलाई नयाँ फोन ...

This is the code for your widget. Just copy and paste it into your website. New widgets may take up to 30 minutes before they start displaying properly.
Loading...