Breaking News
Home / आइसिटी न्युज/टेक अपडेट / WhatsApp चलाउनेको मोबाइलमा जासुसी एप छिर्न सक्छ यसरी

WhatsApp चलाउनेको मोबाइलमा जासुसी एप छिर्न सक्छ यसरी

एजेन्सी– सामाजिक सञ्जाल वाट्स एपले आफ्नो सुरक्षा कमजोरीका कारण प्रयोकर्ताको मोबाइल फोनमा जासुसी सफ्टवेर इन्स्टल हुन पुगेको पुष्टी गरेको छ ।

वाट्स एपको सञ्चालक संस्था फेसबुकले यसको स्वीकार गर्दै आफ्नो सुरक्षा कमजोरी भएको जनाएको हो । बेलायतको अखबार फाइनान्सियल टाइम्सले यो जासुसी सफ्टवेयर इजरायली एक कम्पनीले विकास गरेको उल्लेख गरेको छ । इजरायली कम्पनी एनएसओ ग्रुपले यो सफ्ट्वेयरको विकास गरेको बताइएको छ । यो कम्पनीलाई साइबर आम्र्स डिलरको रुपमा चिन्ने गरिन्छ ।

यो जासुसी सफ्टवेयर वाट्स एपमा आउने कलको माध्यमबाट मानिसहरुको मोबाइल फोनमा इन्स्टल हुने गर्छ । कुनै प्रयोगकर्ताको मोबाइलमा आउने कल उसले नउठाए पनि उक्त जासुसी सफ्टवेयर आफै इन्स्टल हुने गर्छ । जसले मानिसहरुको व्यक्तिगत विवरण चोरी गर्ने गरेको एक रिपोर्टले जनाएको छ । क्यानडाका सोधकर्ताका अनुसार उक्त जासुसी सफ्टवेयरले मानवअधिकारवादी तथा अधिवक्ताहरुलाई आफ्नो निशाना बनाएको छ । फेसबुकका सफ्टवेयर इन्जिनियरहरुले सुरक्षा कमजारीलाई सुधार गर्ने प्रयास गरिरहेको जनाइएको छ ।

फेसबुकले वाट्स एप प्रयोगकर्ताहरुलाई आफ्नो नयाँ भर्सनलाई अपडेट गर्न आग्रह गरेको छ । नयाँ भर्सनलाई गुगल प्ले स्टोरमा गएर अपडेट गर्न सकिने छ ।

जासुसी सफ्टवेयरले कति मानिसलाई निशाना बनाएको छ भन्ने तथ्यांक अहिलेसम्म खुल्न सकेको छैन । यद्यपि, चर्चित मानिसहरुमाथि साइबर आक्रमण भएको आशंका गरिएको छ । विश्वभर डेढ करोड मानिसले वाट्स एपको प्रयोग गर्ने गरेका छन् ।

About ICT Khabar/आइसिटी खबर

Check Also

२०२१ को डिभी खुल्यो, नि:शुल्क आवेदन यसरी भर्नुहोस्

२०२१ को लागि अमेरिकी डाइभर्सिटी भिसा (डीभी)का लागि आवेदन खुलेको छ । बुधबार मध्याह्न १२ ...